N.I.D.I.S – Wieder uf Reise!

Wer eus kennt, weiss, dass mir gern reiset. Früehner, im Zytalter „vor-den-Kids“ simmer au scho gern  irgendwo i de Welt
umegreist, am liebste in Australie.

Jetzt hämmer es paar Jahr müesse pausiere. Doch im Summer 2010 hämmer’s wieder g’wagt.

Mer sind mit de Chinde uf e grossi Reis nach Malaysia, den is Ami-Land und denn wieder uf Asie. Es isch alles guet gange und
hät eus
vieli schöni Erinnerige mit uf de Lebesweg gschänkt.

Jetzt ziehts eus wieder in Oste – dasmal richtig DUBAI, ABU DHABI und RAS AL-KHAIMAH.

Für die Deheimblibene, wo e chli Angscht um eus händ, (keis Wunder, bi dem was mer scho alles erlebt hend) für die, wo gern e
chli Weltduft schmöcket, für die, wo eifach Freud händ zum Verfolge WAS? WIE? WO? WENN? bi eus lauft, für alli die, hani wieder en Blog gmacht. (Ihr
kennet mich ja…)

Die aktuellste News findet ihr immer z’oberst unter UAE 2014 – d’Föteli dezue unter UAE2014 – FOTOS.
Ich hoffe, mer chönd eu regelmässig brichte, Internet sött ja i somene Land nöd schlecht si… Mal luege….

Also amüsieret eu, sind gspanne (mier au), lueget wieder /verbii, schriebet Kommentär (***freu***)  und au ganz schöni Ferie!

Grüessli
Karin, Reto, Yannick & Justin