Da bini wieder… Nach es paar Tag „Ferie“ meldi mi wieder… Es isch nüt Speziells passiert, eifach Ferie gmacht und nüt tah!<\/p>\n
Am letschte Samstig hemmer euses schöne Penthouse in Dubai müesse verlah, hend eus es Taxi gschnappet mit Sack und Pack und sind in Richtig Norde gfahre. D’Fahrt het ca. 1 1\/4 h duret – quer durch d’Stadt Dubai, verbii a allne tolle Ort, wo mer die sind go bsueche… Nomale en letschte Blick uf de Burj Al Arab, d’Dubai Mall ider de Burj Khalifa… Schee wars!<\/p>\n
Es isch unglaublich, wie schnell mer us de Stadt dusse isch und eim schier endlosi Sandfläche ablendet. De helli Sand wechslet bald in roti Sanddüne… verbii a chline Dörfli oder da und det entdeckt mer es paar Kamel oder Dromedars, wo sich im Schatte vo de spärliche Bäum anenand dränget. Suscht hets nöd vill….<\/p>\n
Vo wiitem tauchet plötzlich es paar wenig Hochhüüser am Horizont uf. Isch das echt RAS AL KHAIMA? Die erste Hüüser tauchet uf, kei Hochhüser, meistens nur 1- \/ 2-stöckigi eher schäbigi Hüser, wo die bunti Huusfarb abblätteret und une ine meistens irgend es Business dine isch (wo mier aber sicher nöd ine gah würdet). De Taxi-Chauffeur het sich es paar Mal verfahre, bis mer denn doch no plötzlich vor em Hotel ghalte hend. Bim Usstiege schmöckt mer s’Meer ;-), das chunt guet.<\/p>\n
RAS AL KHAIMA<\/p>\n
D’Lobby macht en gediegene iladende erste Idruck. Am Desk werder mer mit chüele nach Zitrone duftende Erfrischigs-Wöschlümpe und eme feine Sirup empfange. De Check-in het uf Dütsch stattgfunde… Miteme Golf-Wäggeli simmer denn zu eusem Bungalow gfahre worde… Mier hend 2 Junior-Suitene grad nebet enand, verbundeni Zimmer gits keini. Aber d’Jungs gnüsset das richtig eleige de Chef z’siii \ud83d\ude09<\/p>\n
Vor eusne Zimmer hets es chlises Wieseli mit Liegestüehl und nomale 10 m witer isch de Strand mit „eusne“ Liegestühel. was will mer no meh?!?!<\/p>\n
Sither verbringet mer euses Zyt mit em \u00a0süesse Nüttue!<\/p>\n
Es isch natürlich nach wie vor brutal heiss, zum Glück gaht am Strand immer es Lüftli – suscht isch es nld zum Ushalte (a de Sunne ligge scho gar nöd,).<\/p>\n
Denn wenn mer churz vor em Siedepunkt isch, wettmer en Schwumm im Meer go mache… das fühlt sich denn öppe eso a, wie wenn mer dihei i die heissi Badwanne stiigt.:. also leider au kei Abchüehlig! Aber schön isch es trotzdem.<\/p>\n
Apropos, ich muess denn mal los, uf d’Suechi vomene küehlte Pool, wie eus zu Ohre cho isch… bis denn!<\/p>\n
<\/p>\n