Wo ich hüt am Morge d’Auge ufgmacht han, hets scho hell zwüschet de Vorhäng dureglüchtet. Bim gnauer here gah, sind d’Schiibe scho heiss gsi – und blaue Himmel am 7.30h… Gester isch es eher dunstig gsi, und sogar no e chli bewölkt am Himmel. Es verspricht also en schöne Tag z’werde – hahaha… (Wär het das tenkt \ud83d\ude09\u00a0 ).<\/p>\n
Irgendwenn isch au d’Jungmannschaft usekroche, denn hemmer fein z’Mörgelet und los geht’s auf in die Hitze!<\/p>\n
Zum Glück het min Herzmaa e bestens glegeni Unterkunft gfunde, so dass mer gar nöd wit hend müesse schwitze bis zu de Metro – trotzdem hets glanget, zum Gspüre, dass au hüt wieder alli Poore duregreiniget werdet.<\/p>\n
Gemein und gföhrlich isch nur, wenn mer denn id’Metro Station inechunt, mit dere Abechüehlig, da gspürt mer erst recht, wo mer denn überall nass isch, will denn de Stoff grad igfrürt….<\/p>\n
Mier sind den ziemlich lang mit de einte vo dene zwei Metrolinie quer dur Dubai düst, es het praktisch nume Manne i de Metro, uf de Strasse, i de Gasse… wenn Fraue, dann nur „Touristinne“ vo irgendwo.<\/p>\n
Das fühlt sich denn mängisch scho chli unagnehm komisch a, wenn mer denn alli Blick uf eim gspürt… Aber da müends halt dure, die Araber – hahaha \ud83d\ude09<\/p>\n
Mier sind denn im Gebiet vo de Soukhs z’Fuess umegschwitzt, durch die alte Gasse vo Dubai und dur de Gold- und de Fisch-Markt. Schad isch gsi, will ab gester de Ramadan fertig gsi isch und jetzt die höchste Fiirtig folget „Happy Eid al-fitr to all“, sind no viel Frücht- und Fisch-Märktler gar nöd am schaffe gsi. Aber en Idruck hemmer glich übercho\u00a0 – und em Justin isch’s nachher richtig schlecht gange wege dene „differente“ Grüch…(mer kennet ihn ja \ud83d\ude09<\/p>\n
Völlig ufgweicht simmer irgendwenn wieder binere Metro-Station gsi. Und uf de Fahrt i die einst grössti Shopping-Mall uf de Welt, the „Mall of the Emirates“ hemmer wieder chönne tröchne.<\/p>\n
Und wo mer det i die Mall ine cho sind, isch eus wiedermal de Chinnlade bis fascht uf de Marmorbode abegheit. Viel Elektronik-Läde im eine „Quartier“, denn wechslets zu Mode für die vom Laufsteg bis zu de Chlinste, det en Huushalt-Teil bis zu antikste Möbel usw. aber eifach nöd nur „Glattzentrum“ mässig – sondern eifach bis die 15 cm hochhackige Absätz flach glaufe sind… (also nöd mini).<\/p>\n
Und irgendwenn, da simmer det acho, was mer unbedingt hend welle go luege: Ski DUBAI !<\/p>\n